Fréttir

Safnið verður lokað á mánudaginn 24. maí 2021, annan í hvítasunnu.

Héraðsskjalasafnið á Akureyri verður lokað fimmtudaginn 22. apríl, sumardaginn fyrsta.

Þrátt fyrir að reglur um samkomur hafi verið hertar verulega frá 25. mars viljum við vekja athygli á því að safnið er opið eins og venjulega eða mánudaga, þriðjudaga, fimmtudaga og föstudaga frá 10.00 til 16.00. Lokað er á miðvikudögum. Gestir safnsins nota inngang að norðan, koma þar inn á aðra hæð hússins og taka lyftu upp á þriðju hæð eða nota stigann.

Góðu gestir, eftir sem áður viljum við bjóða ykkur velkomin á Héraðsskjalasafnið.

Frá og með mánudeginum 14. desember höfum við boðið gesti aftur velkomna á Héraðsskjalasafnið á Akureyri.

Þegar breski herinn kom til Akureyrar leysti hann óvart eitt stærsta vandamál kaupstaðarins, atvinnuleysið.

Þeir komu til bæjarins með varðskipinu Ægi en Akureyringar höfðu vitað það í nokkra daga að þeir voru á leiðinni og bjuggust við hinu versta. Um bæinn gengu sögur, óvissan var mikil og vangaveltur ýmsar; hvernig yrðu þeir í háttum, mun koma þeirra leiða til loftárása og yrði konum óhætt? Svo komu þeir og dagurinn var 17. maí og árið 1940.

Árin 1940 – 1942 var starfandi á Akureyri, líkt og víðar á landinu, loftvarnarnefnd. Upphafið má rekja til þess að Sigurður Eggerz bæjarfógeti kallaði þá Steinn Steinsen bæjarstjóra og Gunnar Schram símstjóra sér til aðstoðar í nefndina. Nefndin kom saman til fyrsta fundar 11. júní 1940 og setti saman leiðbeiningar fyrir almenning og ræddi um staði sem nota mætti til skjóls ef til loftárása kæmi.

Safnið verður lokað frá og með 2. nóvember vegna sóttvarnaráðstafana. Safnið verður opnað að nýju strax og mögulegt er. Við minnum ykkur á að hægt er að hafa samband við okkur með því að senda fyrirspurn hér á síðunni, senda okkur tölvupóst og eins er hægt að hringja. Förum að öllu með gát - saman tekst okkur þetta.