Fréttir

Skjaladagur 2018

Opinber skjalasöfn á Norðurlöndum hafa lengi kynnt starfsemi sína með ýmsu móti. Árið 2001 sameinuðust þau um árlegan kynningardag, annan laugardag í nóvember. Að þessu sinni eru yfirskrift skjaladagsins ,,1918 – Litbrigði lífsins“ enda margs að minnast frá því ári og atburðir frá því ári hafa mótað djúp spor í þjóðarsálina.

Nýr starfsmaður

Nýlega hóf Kristín María Hreinsdóttir störf hjá okkur. Kristín María er kennari að mennt og með MA próf í safnafræði. Undanfarið hefur hún unnið sjálfstætt við fræðastörf og uppsetningu sýninga. Við bjóðum hana velkomna til starfa.

Af Kötlugosi 1918

Kötlugos hófst 12. október 1918. Í gosbyrjun voru miklar jarðhræringar og fundust jarðskjáftar víða um Suðurland, eldingar sáust langt að og drunur heyrðust greinilega. Fljótlega tók að gæta öskufalls og var vindstaðan þannig í fyrstu að askan dreifðist mest vestur á bóginn. Daginn eftir að gosið hófst var svo mikið öskufall í Rangárvallasýslu að þar var ljós látið loga allan daginn.

Lokað 4. og 5. október

Fimmtudaginn 4. október og föstudaginn 5. október verður safnið lokað þar sem starfsfólkið verður á ráðstefnu Félags héraðsskjalasafna á Íslandi. Ráðstefnan verður haldin á Sauðárkróki og meðal fundarefna er varðveisla ljósmynda, persónuverndarlöggjöfin og hlutverk og skyldur opinberra skjalasafna.

Nýr héraðsskjalavörður tekur við

Í dag urðu þau tímamót á Héraðsskjalasafninu á Akureyri að Aðalbjörg Sigmarsdóttir lét af störfum eftir 34 ára starf sem forstöðumaður safnsins en hún tók þar við lyklavöldum 1. októrber 1984. Aðalbjörg mun á næstu mánuðum sinna öðrum verkefnum fyrir safnið.

Starf skjalavarðar

Laust er til umsóknar starf skjalavarðar við Héraðsskjalasafnið á Akureyri.

Senn kemur að Akureyrarvöku

Afmælishátíð bæjarins, Akureyrarvaka, verður haldin helgina 24.-25. ágúst nk. Af því tilefni drögum við hér fram 15 ára gamla dagskrá Akureyrarvökunnar, eða frá árinu 2003.

Starf héraðsskjalavarðar

Laust er til umsóknar starf forstöðumanns Héraðsskjalassafnsins á Akureyri

Starfsdagur samfélagssviðs 16. maí 2018

Miðvikudaginn 16. maí verður safnið opnað kl. 13.00 en starfsfólk verður fyrir hádegi á starfsdegi samfélagssviðs. Sama dag tekur sumaropnun gildi en þá er safnið opið alla virka daga 10.00 til 16.00.

Jóhannes Örn Jónsson (1892-1960)

Hingað barst merkileg afhending fyrir skemmstu en það eru handrit Jóhannesar Arnar Jónssonar bónda og rithöfundar á Steðja. Jóhannes Örn var fæddur að Árnesi í Tungusveit og ólst þar upp. Hann naut almennrar barnafræðslu í uppvextinum en af sjálfsdáðum aflaði hann sér margs konar fróðleiks.