Fréttir

Opnunartími um jól og áramót

Jólaskrá Jóns Rögnvaldssonar bónda á Leifsstöðum 1862-1882

Senn koma jólin og af því við Íslendingar eigum mikið undir veðrinu er ekki úr vegi að kíkja í veðurspárit. Jólaskrá Jóns Rögnvaldssonar bónda á Leifsstöðum í Kaupvangssveit 1865-1882 hefst á þessum orðum (að nokkur fært til nútímastafsetningar): Lítil búmannaregla eftir daglegri reynslu, saman skrifuð. Á jólanóttina taka menn vara hvursu að viðra muni árið um kring.  Ef hreint veður og klárt, kyrrt og regnlaust er á jólanóttina og á aðfangadagskvöldið þá halda menn verði friðsamt ár og svo þar á móti ef annað viðrar.

Norræni skjaladagurinn 12. nóvember

Norræni skjaladagurinn er árviss viðburður þar sem skjalasöfnin á Norðurlöndum veita aðgang að heimildum sem þau hafa í sínum fórum. Tekið er fyrir eitt viðfangsefni á ári og að þessu sinni ber það yfirskriftina „Til hnífs og skeiðar“.

Meðal fólksins er vettvangur minn - Sýning helguð Kristjáni frá Djúpalæk

Í nóvember mun Héraðsskjalasafnið minnast þess að 100 ár eru frá því að Kristján Einarssonar frá Djúpalæk fæddist.  Í anddyri Amtsbókasafns og Héraðsskjalasafns er sett upp sýningin „Meðal fólksins er vettvangur minn“ sem er tilvitnun í ljóð Kristjáns „Þetta land“.

Kvennafrídagurinn 24. okt.

Í dag er 41 ár frá því að konur fylktu liði og komu saman víða um land til að vekja athygli á ójafnri stöðu og launamun kynjanna.Samkvæmt nýjustu rannsóknum eru konur á Íslandi að meðaltali með 28,7% lægri tekjur en karlar og hafa samkvæmt því lokið vinnudegi sínum eftir 5 klukkustundir og 38 mínútur. Konur um land allt ætla því að ganga út af vinnustöðum kl. 14.38 í dag en þá er miðað við vinnutímann 9-17.

Lokað 6. og 7. október

Safnið verður lokað fimmtudaginn 6. október og föstudaginn 7. október vegna haustfundar héraðsskjalavarða.Hægt er að senda fyrirspurnir á herak@herak.is.

Afhending 2016/86

Fyrir skömmu komu hingað systur og afhentu skjöl ömmu sinnar, Önnu Maríu Ísleifsdóttur. Anna María er ágætt dæmi um einstakling sem þarf að hafa svolítið fyrir að finna í manntalsgögnum því þar er hún ýmist skrifuð Anna eða María og stundum undir báðum nöfnum. Anna María fæddist 1883 og þegar hún var á fjórða ári lést faðir hennar, þá bóndi á Hrappstöðum í Kræklingahlíð. Móðir hennar, Rósa Ólafsdóttir, bjó eitthvað áfram á Hrappstöðum en síðar hjá dóttur sinni á Hesjuvöllum. Nokkur af systkinum Önnu Maríu fluttist til Kanada og mamma hennar flutti þangað líka.

Innsigli rofið á 100 ára afmælisdegi Kristjáns frá Djúpalæk

Í dag var  smá samkoma á Héraðsskjalasafninu á Akureyri.  Tilefnið var það að Kristján frá Djúpalæk hafði lagt inn á safnið innsiglaðan pakka árið 1979 og mælt svo fyrir að hann skyldi opnaður í dag, en í dag eru nákvæmlega 100 ár frá því að hann fæddist.

17. júní - myndir frá fyrri tíð

Í tilefni af þjóðhátíðardeginum birtast hér 3 myndir frá hátíðahöldum á Akureyri á árabilinu 1944 - ca 1975.

Sjómannadagurinn á Akureyri

Sjómannadagurinn er fyrsti sunnudagurinn í júní ár hvert og er hann hátíðisdagur allra sjómanna. Dagurinn var líklega fyrst haldinn hátíðlegur á Akureyri árið 1939, en fyrr tíðkaðist að halda sérstakar sjómannamessur í kirkjum. Árið 1987 var dagurinn lögskipaður frídagur sjómanna. Á Héraðsskjalasafninu eru til skjöl sem tengjast sjómannadeginum og má sjá hér dæmi um þau.