Fréttir

Afgreiðslutími um jól og áramót

Jólamyndir

Núna á aðventunni fengum við nokkrar myndir úr kjörbúðum KEA.  Margar þeirra voru teknar á búðarfundum þar sem bæjarbúum voru kynntar helstu nýjungar og einnig gátu þeir komið á framfæri óskum og ábendingum varðandi þjónustu og vörur.  En þarna voru líka nokkrar jólamyndir.  Sýnishorn er að finna hérna.

Sölubúð á hjólum

Árið 1953 var tekin upp sú nýlunda að sérstakur sendibíll var gerður út á vegum Brauðgerðar KEA og fór um nágrannasveitirnar einu sinni í viku. Brauðbíllinn var á ferðinni alla virka daga frá 10 að morgni fram að kvöldmat.

Fræðslufundur

Starfsfólk safnsins verður á fræðslufundi fyrir hádegi miðvikudaginn 3. desember.  Þess vegna verður safnið ekki opnað fyrr en kl. 13.00 þann dag.

Norrænn skjaladagur 8. nóv - Vesturfarar

Norræni skjaladagurinn er haldinn árlega annan laugardag í nóvember, nú 8. nóv. og er að þessu sinni helgaður vesturförum. Í Héraðsskjalasafninu á Akureyri er varðveitt mikið magn heimilda sem snerta Vestur-Íslendinga. Þar eru sendibréf, dagbækur, ljósmyndir og endurminningar fjölmargra einstaklinga sem tóku sig upp og fluttu til fjarlægs lands. Einnig er þar að finna heimildir um ástæður flutninganna, uppboð og úttektir, kirkjubækur, manntöl og fleiri opinberar heimildir sem snerta brottför fólksins.

Félag héraðsskjalavarða krefst endurskoðunar á framlagi ríkisins til héraðsskjalasafna

Á tveggja daga ráðstefnu Félags héraðsskjalavarða á Íslandi sem haldin var í Vestmannaeyjum 24. - 26. sept. 2014 var aðallega fjallað um ný lög um opinber skjalasöfn nr. 77/2014 og hvað þau hafa í för með sér varðandi rekstur og starfsemi héraðsskjalasafnanna. Ljóst er að lögin hafa í för með sér auknar skyldur og verkefni m.a. hvað varðar eftirlit, ráðgjöf og önnur samskipti við skilaskylda aðila en verulega skortir á að söfnin fái nauðsynlegt fjármagn til að mæta þessum kröfum.

Lokað 24. - 26. sept.

Vegna ráðstefnu Félags héraðsskjalavarða í Vestmannaeyjum verður safnið lokað miðv. 24. september til og með fös. 26 september. Opnum aftur mánudaginn 29. sept. kl. 10:00.

Afgreiðslutími í vetur

Frá og með 16. september verður afgreiðslutími safnsins sem hér segir: Mánudagar kl. 10:00 - 18:00 Þriðjudagar kl. 10:00 - 16:00 Miðvikudagar kl. 10:00 - 16:00 Fimmtudagar kl. 10:00 - 18:00 Föstudagar kl. 10:00 - 16:00 Lokað laugardaga og sunnudaga.

Ferð um Ódáðahraun 3. - 12. ágúst 1940

Vegna jarðskjálftanna í og við Bárðarbungu grípum við niður í dagbók Ólafs Jónssonar úr ferð hans og Gunnbjörns Egilssonar um Ódáðahraun í ágúst 1940. 6. ágúst Við vöknuðum kl. 2 og er þá ennþá hálfrokkið.  Ferðbúnir erum við Kl 4. Veðrið er prýðilegt kyrt og bjart.  Þó er ofurlítill þokuslæðingur á Herðubreið, en Kverkfjöllin eru hrein, sömuleiðis Snæfellið. Við förum fyrst suður með vötnunum og síðan suður í hraunið, stefnum milli Lofts og Upptyppinga ... Smám saman verða hraunhólarnir strjálli en sandflesjurnar stækka og vikurinn eykst og þegar komið er suður á móts við Hlaupfell göngum við á óslitnum þykkum vikri.  Þá tökum við af okkur þungu gönguskóna en setjum upp létta skó ... og okkur skilar vel suður vikrana í áttina til Vaðöldunnar.

Kosningaréttur kvenna 99 ára - Kvennasöguganga um Oddeyrina

Þann 19. júní 1915 fengu íslenskar konur 40 ára og eldri kosningarétt og kjörgengi til alþingis. Árið 1882 höfðu konur fengið takmarkaðan kosningarétt til sveitarstjórnakosninga sem síðan var víkkaður út til jafns við karla árið 1908. Á Akureyri gerðist það þó að kona kaus til bæjarstjórnar árið 1863.