Fréttir

Í mars 2014 kom nafnanefnd Akureyrarbæjar saman til þess að fjalla um nöfn á götum í nýju hverfi, Hagahverfi. Á fundinum varð til listi með 12 götunöfnum, sem nefndin lagði til að notuð yrðu í hverfinu.

Gatan Geirþrúðarhagi í Hagahverfi á Akureyri heitir eftir Geirþrúði (Gertrud) Tyrrestrup en hún bjó á Stóra Eyrarlandi með manni sínum árin 1829-1846 og síðan áfram eftir að hún var orðin ekkja allt til 1861.

Héraðsskjalasafnið á Akureyri verður lokað dagana 19 og 20. september,

Sr. Benjamín Kristjánsson (1901-1987) prestur í Winnipeg og Grundarþingum, var kennari í bóklegum greinum við Húsmæðraskólann á Laugalandi frá stofnun hans 1936 til 1967. Á sama tíma gegndi hann ýmsum trúnaðarstörfum og skrifaði bækur og greinar. Meðal þess sem hann skrifaði er saga Kvennaskólans á Laugalandi 1877-1896 og námsmeyjatal skólans á sama tíma.

Í mars 2014 kom nafnanefnd Akureyrarbæjar saman til þess að fjalla um nöfn á götum í nýju hverfi, Hagahverfi. Á fundinum varð til listi með 12 götunöfnum, sem nefndin lagði til að notuð yrðu í hverfinu.

Póstkortið var sent til Jóns Sigurðssonar (1883-1940) árið 1906. Hann var þá við nám í Hamborg í Þýskalandi. Jón var vélfræðingur og bjó í Hrísey. Á póstkortinu eru myndir af kóngafólki, þeim Hákoni VII, Matthildi drottningu og syni þeirra krónprinsinum Ólafi. Póstkortið var eitt af mörgum sem gefin voru út í tilefni þess að Hákon varð konungur Noregs árið 1905.

Í aprílmánuði árið 1903 fékk Pétur Ólafsson á Hranastöðum svohljóðandi orðsendingu frá J.V. Havsteen: Kæri vin! Nú er ákveðið að fundur verður á Hrafnagili á fimmtudaginn þ. 16. þ.m. Kl. 1 e.h.d. Hannes Hafstein boðar hann og Kl. Jónsson verður með, Sra Jónas var hér í gær og boðar fundinn og lánar hús, fundarboðið fylgir og biðjum við yður að finna Sigurð á Merkigili og fleiri.

Það eru sjálfsagt margir sem lenda í því einhverntíman á æfi sinni að þurfa að meta sál sína til fjár og það trúlega oftar en einusinni, sumir margoft. Ef til vill ummyndast andlitið á ýmsum í stórt spurningarmerki með löngu – löngu – þankastriki fylgjandi á eftir, við lestur þessa upphafs. En þetta er engin misritun.

Í aðfangabók safnsins kemur fram að 31. maí árið 2000 hafi Dýrleif Skjóldal afhent bréfasafn sitt til varðveislu. Jafnframt kemur fram að safnið sé lokað og ekki megi opna það fyrr en árið 2024. Dýrleif Skjóldal hét fullu nafni Guðríður Dýrleif Kristjánsdóttir Skjóldal. Hún fæddist á Ytra-Gili í Hrafnagilshreppi 9. maí 1924. Hún var dóttir hjónanna Kristjáns Pálssonar Skjóldal (1882-1960) og Kristínar Gunnarsdóttur (1892-1968) en þau bjuggu á Ytra-Gili 1913-1960 og Kristín til 1961. Dýrleif ólst upp á Ytra-Gili en fluttist til Akureyrar 1961. Hún lést á Akureyri 25. desember 2022. Þegar í ársbyrjun fórum við að velta fyrir okkur hvenær best væri að opna pakkann, hvort tilefni væri til þess að gera það með viðhöfn, hvort við ættum að bjóða gestum til okkar af því tilefni o.þ.h. Í samráði við börn hennar var pakkinn var opnaður 8. maí s.l. og voru þau fyrstu gestirnir til þess að skoða innihaldið. Á næstu vikum verður safnið skráð og gert aðgengilegt en auk bréfasafnsins eru m.a. persónuleg skjöl og ferðaminningar í safninu.

Skjal vikunnar hefur skráningarnúmerið G-40/5 og kom til safnsins 24.9.1970, frá Amtsbókasafninu. Héraðsskjalasafnið var formlega stofnað 1.6.1969 en undirbúningurinn hafði þó staðið frá því um sumarið 1967.