Fréttir

Það var í október 1929 sem hlutabréf féllu í verði í kauphöllinni í Wall Street í New York og um ári síðar tók afleiðinganna að gæta á Akureyri.  Atvinna dróst saman og viðskiptin gengu hægar.  Stærri og stærri hluti tekna bæjarsjóðs fór til fátækraframfærslu og árið 1935 fór liðlega fimmtungur teknanna í þennan málaflokk.  Neyðin fór vaxandi og ljóst var að bæjaryfirvöld yrðu að gera eitthvað í málinu.  Samið var við Hjálpræðisherinn um rekstur mötuneytis, sem tók til starfa í október 1935 í Laxamýri (Strandgötu 19b). Þangað gat fólk komið og satt hungur sitt, ef það gat sannað fátækt sína.  Líklega stóðu þessar matargjafir yfir í tvö ár.

Á útmánuðum 1862 var hafist handa við að byggja kirkju á Akureyri, en áður höfðu Akureyringar átt kirkjusókn að Hrafnagili. Kirkjusmiðurinn Jón Chr. Stephánsson segir að byrjað hafi verið að reisa kirkjuna þann 26. maí 1862 (þ.e. reisa sperrur) og var hún reist þar sem nú er Minjasafnskirkjan.

Árlega halda skjalasöfn á Norðurlöndum kynningardag, annan laugardag í nóvember.  Unnið er út frá ákveðnu þema hverju sinni en árið 2008 var þemað Gleymdir atburðir.  Gleymdi atburðurinn hjá okkur hérna á skjalasafninu var 100 ára afmæli Akureyrarkaustaðar 1962 og var sett upp sýning með skjölum, munum  og myndum frá afmælinu og varðveitt eru hér.  Mánudaginn 21. maí munum við setja þessa sýningu að hluta til upp aftur og mun hún standa í tvær vikur eða til og með 1. júní.

Árið 1909 áttu fjórar frúr á Akureyri sameiginlegan draum: Að setja á laggirnar lystigarð fyrir almenning þar sem bæjarbúar ættu þess kost að dvelja sér til hressingar og ánægju... Þessar konur voru þær frú Anna Stephensen kaupmannsfrú, Alma Thorarensen lyfsalafrú, María Guðmundsson bæjarfógetafrú og Sigríður Sæmundsen prestsfrú, síðar vígslubiskupsfrú.

Fyrir 150 árum eða þann 1. maí 1862 birtist grein um Glerá í Norðanfara, blaði sem gefið var út mánaðarlega á Akureyri. Greinin fjallar um hversu mikill farartálmi Glerá er, því þá er hún óbrúuð með öllu. Sagt er frá því að oft hafi komið til tals að brúa ána ofan Bandagerðisfossins

Meðal dagskrárliða 100 ára hátíðarhaldanna var vígsla Elliheimilis Akureyrar.  Athöfnin var fyrsta atriðið á afmælisdaginn og hófst á vígsluræðu Magnús E. Guðjónssonar bæjarstjóra.  Að henni lokinni kvaddi Ingibjörg Haraldsdóttir formaður kvenfélagins Framtíðin sér hljóðs og sagði: Herra forseti Íslands, háttvirta samkoma Í dag er hátíð í hugum Akureyringa, bæði nærverandi og fjærstaddra, eldri og yngri, er við minnumst þess að 100 ár eru liðin síðan bærinn okkar fagri fékk kaupstaðarréttindi.

Nýlega var lokið við að skrá einkaskjalasafn Lárusar Jóhannssonar Rist.  Hann fæddist árið 1879 að Seljadal í Kjós en fluttist norður í Eyjafjörð og ólst þar upp.  Eftir fimleika- og sundkennaranám í Danmörku settist Lárus að á Akureyri og fór að kenna við Gagnfræðaskólann.  Hann kom með nýja strauma í íþróttalíf Akureyringa og ekki hvað síst sundíþróttina. 

Í tilefni af 100 ára afmæli Íþrótta- og Ólympíusambands Íslands ætlar ÍSÍ og Héraðsskjalasöfn á Íslandi að hefja formlegt samstarf um skráningu og söfnun á íþróttatengdum skjölum. Átakið hefst í dag 18. apríl og þá eru einmitt 100 dagar fram að Ólympíuleikunum í London.

Árið 1954 var Jónas S. Jakobsson ráðinn sem sérstakur bæjarlistamaður, með það hlutverk að skreyta bæinn.  Um haustið skilaði Jónas nokkrum tillögum.  Á Ráðhústorg vildi hann setja gosbrunn eða styttu af Helga magra.  Upp af Torfunefsbryggju átti að gera hringmyndaðan hólma og setja á hann táknrænt listaverk fyrir skip og flughöfn. 

Í tímans rás hafa átta einstaklingar verið kjörnir heiðursborgarar á Akureyri.  Sá fyrsti var kjörinn 11. nóvember 1920 en það var sr. Matthías Jochumsson, sem varð 85 ára þann dag. Matthías var þjóðþekktur maður og eftir hann liggur mikið af sálmum, ljóðum og rituðu efni en sennilega er hann þekktastur fyrir Lofsönginn og leikritið Útilegumennina (Skugga-Sveinn).  Matthías fluttist til Akureyrar 1887 og þjónaði Akureyringum til fardaga 1900.  Hann lést 18. nóvember 1920.