Hver var Halldóra? Af hverju Halldóruhagi?

Halldóra Bjarnadóttir var fædd 14. október 1873. Hún var skólastjóri Barnaskólans á Akureyri frá 1908, fyrsti formaður Sambands norðlenskra kvenna ásamt því að vera ritstjóri tímaritsins Hlínar.

Foreldrar Halldóru voru Bjarni Jónasson bóndi á Hofi í Vatnsdal og Björg Jónsdóttir. Þau skildu og fór faðir hennar til Vesturheims árið 1883. Halldóra fylgdi móður sinni og fluttu þær mæðgur til Reykjavíkur á heimili Jóns Árnasonar þjóðsagnaritara og frænda hennar.

Halldóra fékk ung áhuga á handavinnu og heimilisiðnaði og fór til náms í Noregi árið 1896 og lauk kennaraprófi þar árið 1899. Hún kom aftur til Íslands og kenndi við Barnaskólann í Reykjavík en sneri aftur til Noregs og starfaði þar við kennslu á árunum 1901 til 1908 m.a. í bænum Moss. Árið 1908 fluttist hún aftur til Íslands og gerðist skólastjóri Barnaskólans á Akureyri.

Halldóra leiddi framboðslista kvenna við bæjarstjórnarkosningarnar á Akureyri árið 1921 og náði kjöri. Hún sagði hins vegar af sér bæjarfulltrúastarfinu eftir einungis tveggja ára starf.

Halldóra flutti síðar til Reykjavíkur og varð stundakennari í handavinnu við Kennaraskóla Íslands og ráðunautur almennings í heimilisiðnaði frá 1922.

Árið 1937 fór hún til Vesturheims og stóð þar fyrir mikilli heimilisiðnaðarsýningu á vegum Vestur-Íslendinga. Árið 1946 stofnaði Halldóra Tóvinnuskólann á Svalbarði við Eyjafjörð og starfaði þar til ársins 1955. Hún stóð fyrir sýningum á heimilisiðnaði á Íslandi og erlendis og var ritstjóri ársritsins Hlín en það rit kom fyrst út árið 1917.

Árið 1955 flutti Halldóra á Héraðshælið á Blönduósi þar sem hún lést 28. nóvember 1981.

Halldóra giftast aldrei og átti engin börn.

Halldóra hlaut riddarakross Hinnar íslensku fálkaorðu árið 1931, árið 1971 hlaut hún stórriddarakross Hinnar íslensku fálkaorðu fyrir störf í þágu íslensk heimilisiðnaðar.

Á Héraðsskjalasafninu á Akureyri má, meðal annars, finna þessi bréf sem Halldóra skrifaði til vinkonu sinnar, Jósefínu Öfjort Stefánsdóttur árið 1972 en Jósefína var búsett í Danmörku. Í bréfinu talar hún um Kolkakot, en á þessum tíma var hún flutt inn á ellideild Héraðshælisins á Blönduósi, svo hægt er að ímynda sér að hún hafi talað um vistarverur sínar þar sem Kolkakot. Þær vinkonurnar virðast hafa skrifast regluelga á. Bréfin gefa okkur örlitla sýn inn í hversdagsleika Halldóru, þau eru vélrituð á þykkan pappa, en Halldóra handskrifar nafn sitt undir bréfin.

Gaman væri að vita hver þau Páll og Björg voru.

Í seinna bréfinu talar hún um að systir hennar og systurdóttur hafi heimsótt hana og hafi þær farið að Ási í Vatnsdal, þar sem þær fæddust.

Þess má geta að Ytrieyjarskólinn sem hún talar um í bréfinu er gamli húsmæðraskólinn á Blönduósi,

Bréfin eru bæði skrifuð árið 1972 á Blönduósi.