HÚra­sskjalasafni­ ß Akureyri

Héraðsskjalasafn Akureyrarbæjar og Eyjafjarðarsýslu  var formlega stofnað 1. júlí 1969 skv. heimild í lögum um Þjóðskjalasafn Íslands frá 1947.

Saga

Héraðsskjalasafn Akureyrarbæjar og Eyjafjarðarsýslu  var formlega stofnað 1. júlí 1969 skv. heimild í lögum um Þjóðskjalasafn Íslands frá 1947. Skjalavörður hafði þó verið fastráðinn til starfa frá ársbyrjun 1968 og hafði hann einnig starfað að undirbúningi fyrir stofnun safnsins frá því um sumarið 1967. Stofnendur safnsins voru Akureyrarbær og Eyjafjarðarsýsla. Akureyrarbær sá síðan um reksturinn með árlegum styrk frá sýslunni.

Með Samþykkt fyrir Héraðsskjalasafnið á Akureyri frá 1996 var nafninu breytt í Héraðsskjalasafnið á Akureyri því að frá þeim tíma áttu sveitarfélög úr Þingeyjarsýslu austan megin fjarðarins einnig aðild að safninu. Akureyrarbær sér um rekstur safnsins með fulltingi Akureyrarstofu en íbúatala aðildarsveitarfélaganna ræður fjárframlagi þeirra til safnsins. Að auki nýtur safnið árlegs styrkjar frá ríkinu, skv. 16. gr. laga um Þjóðskjalasafn Íslands. Í dag eru þessi sveitarfélög aðilar að safninu: Akureyri ásamt Grímsey og Hrísey, Eyjafjarðarsveit, Grýtubakkahreppur, Hörgársveit og Svalbarðsstrandarhreppur.

Safninu var árið 1968 fenginn staður í  Brekkugötu 17, með um það bil 60 m2 geymslu í norðurhluta þriðju hæðar og skrifstofu á annarri hæð. Þetta húsnæði var strax of lítið og allt frá upphafi þurfti safnið að hafa geymslur annars staðar.  Þegar mest var hafði safnið þrjár slíkar geymslur.

Árið 2004 urðu þáttaskil í húsnæðismálum safnsins þegar viðbygging var tekin í notkun. Þá fékk safnið um það bil 2500 metra af hillum í þremur geymslum. Ein þeirra er á þriðju hæð í eldra húsinu, önnur á þriðju hæð í nýbyggingu og sú þriðja í kjallara nýbyggingar, samtals um 356 m2. Með þessum breytingum var hægt að leggja niður geymslurnar út í bæ og er safnið núna allt á einum stað. Safnið hefur þriðju hæð nýbyggingarinnar til umráða en þar er auk áðurnefndra geymslna lestrarsalur, skrifstofur og vinnurými starfsfólks en búningsaðstaða er í kjallara.  Sýningaraðstaða er sameiginleg með Amtsbókasafni í anddyri og veitingasal á fyrstu hæð nýbyggingar. Alls er húsnæði Héraðsskjalasafnsins um 573 m2 en sameiginlegt rými safnanna er rúmir 500 m2 .

Héraðsskjalaverðir:
1967-1974       Árni Kristjánsson  f. 1915, d. 1974
1974-1976       Valdimar Gunnarsson  f. 1947
1976-1984       Þórhallur Bragason  f. 1948
1984-               Aðalbjörg Sigmarsdóttir f. 1952

 

Framsetning efnis

moya - Útgáfa 1.13 2009 - Stefna ehf