HÚra­sskjalasafni­ ß Akureyri

Opinber skjöl: Á héraðsskjalasafninu eru varðveitt skjöl frá Akureyrarbæ og öðrum sveitarfélögum sem að safninu standa, einnig frá sýslunefnd,

Hva­ er geymt?

Opinber skjöl:
Á héraðsskjalasafninu eru varðveitt skjöl frá Akureyrarbæ og öðrum sveitarfélögum sem að safninu standa, einnig frá sýslunefnd, héraðsnefnd, byggðasamlögum og öðrum samstarfsverkefnum sveitarfélaganna. Ennfremur skjöl allra embætta, stofnana, fyrirtækja og annarrar starfsemi á vegum ofangreindra aðila. Safnið varðveitir líka skjöl félaga og samtaka í héraðinu, sem njóta verulegra styrkja af opinberu fé. Skjölin koma að stærstum hluta inn á safnið þegar þau hafa náð 20-30 ára aldri en þar má þó finna margt yngri skjala.

Einkaskjöl:
Safnið varðveitir líka einkaskjöl, það eru skjöl frá einstaklingum, þ.e. hinum almenna borgara, háum sem lágum og frá félögum og fyrirtækjum á þeirra vegum þar sem ætla má skjölin séu hluti af sögu héraðsins. Einkaskjölin veita oft aðra innsýn í í söguna en opinberu skjölin og því nauðsynlegt að halda þeim til haga. Sem dæmi um einkaskjöl má nefna bréfasöfn, dagbækur, bókmenntahandrit, frásagnir og þætti um menn og málefni, galdrakver, lækningabækur, handskrifuð sveitarblöð, ættartölur, örnefnaskrár, vottorð og prófskírteini, kaupbréf, afsöl, úttektir og skiptagjörðir, ábúendatöl og margt fleira.

Kirkjubækur:
Á safninu eru einnig kirkjubækur, þ.e. prestþjónustubækur og sóknarmannatöl,  af öllu landinu á örfilmum og auk þess manntöl frá Akureyri og nágrannasveitarfélögum frá ýmsum tímum.

Í kirkjubækur skrifa prestarnir öll sín prestsverk, þ.e. skírnir, fermingar, giftingar grefranir o.þ.h., en í sóknarmannatölum eru taldir upp íbúar á hverjum bæ eða húsi. Þessar heimildir nýtast vel þeim sem hafa áhuga á ættfræði og vilja vita meira um ættingja sína en nöfnin ein.
Safnið býr einnig yfir góðum bókakosti í ættfræði og er því nokkuð vel í stakk búið fyrir ættfræðirannsóknir.

Sjá einnig: Hvað er skjal? 

Til baka

Framsetning efnis

moya - Útgáfa 1.13 2009 - Stefna ehf