Sýningin Gleymdir atburðir var opnuð á norræna skjaladeginum 8. nóvember 2008. Rifjað var upp 100 ára afmæli Akureyrarkaupstaðar 1962, þar sem dagskrá hátíðarhaldanna voru gerð skil. Sýndar voru myndir, skjöl, minjagripir, gjafir og fleira sem tengdist þessari miklu hátíð. Á vef skjaladagsins var þar að auki minnst tveggja annarra gleymdra atburða, en það voru hvalveiðiævintýri Havsteens 1882 og fyrstu kvikmyndasýningar á Íslandi 1903.
